ఈ మ్యాచ్ ఆ ఇద్దరి మధ్య యుద్ధంలా జరగబోతోందని అభిమానులు చెబుతున్నారు. ఆ ఇద్దరే విరాట్ కోహ్లీ, క్రిస్ గేల్. గేల్‌కు విధ్వంసకర బ్యాట్స్‌మెన్‌గా పేరుంది. వరల్డ్ క్రికెట్‌లో గేల్ గురించి ప్రత్యేకంగా చెప్పనక్కర్లేదు. ఐపీఎల్‌లో అయితే గేల్ క్రీజులోకి దిగితే సిక్సర్ల వర్షం కురవాల్సిందేనని అభిమానులు చెబుతున్నారు. విండీస్ మ్యాచ్‌లో గేల్ నిలిస్తే మ్యాచ్ తమదేనని విండీస్ అభిమానులు బలంగా నమ్ముతున్నారు. మరో ఆసక్తికర విషయమేంటంటే జట్టు కంటే కూడా గేల్ ఆడితే చాలని అభిమానులు కోరుతున్నారట. ఇక టీమిండియా అభిమానులైతే విరాట్ కోహ్లీ దెబ్బకు విండీస్ విలవిలలాడాల్సిందేనని సోషల్ మీడియాలో పోస్ట్‌లతో చెలరేగిపోతున్నారు. కోహ్లీ ఒక్కడు నిలబడినా టీమిండియా భారీ స్కోర్‌ను చేయగలదని ఫ్యాన్స్ ఆశిస్తున్నారు.
ఇరు జట్లకు చెందిన అభిమానులూ ఆ ఇద్దరిపైనే ఆశలు పెట్టుకున్నారు. అభిమానుల అంచనాలు చూస్తుంటే మ్యాచ్ టీమిండియా, వెస్టీండియా మధ్య జరుగుతున్నట్లు లేదని... కోహ్లీకి, గేల్‌కు మధ్య జరుగుతున్నట్లు ఉందని క్రీడా విశ్లేషకులు చెబుతున్నారు. ఈ వాతావరణాన్ని సెలబ్రెటీలు మరింత వేడెక్కిస్తున్నారు. బాలీవుడ్ బిగ్‌బీ అమితాబ్ కూడా గేల్‌పై ఆసక్తికర వ్యాఖ్యలు చేశాడు. వెస్టీండీస్‌కు, ఇండియాకు జరిగే సెమీస్ మ్యాచ్‌లో గేల్ సెంచరీ చేయాలి.... కానీ ఇండియా గెలవాలని అమితాబ్ చెప్పాడు. గేల్ కూడా కోహ్లీకి ఈసారి ఛాన్సివ్వబోమంటూ కామెంట్స్ చేశాడు. ఒక విధంగా గేల్ కూడా కోహ్లీపైనే అంచనాలు పెట్టుకున్నట్లు తెలుస్తోంది. గేల్ సెంచరీ చేసేంతలా రాణిస్తాడన్న నమ్మకాన్ని అమితాబ్ కూడా వ్యక్తం చేస్తున్న తీరు చూస్తుంటే ఈ మ్యాచ్ నిజంగా కోహ్లీ వర్సెస్ విరాట్ అన్న రీతిలో సాగినా ఆశ్చర్యపోనక్కర్లేమో.
No comments:
Post a Comment